برشة ناس يفيقوا ويخرجوا من الدار من غير ما يفطروا، يا من قلّة الوقت، يا من قلّة الجوع، أما الحقيقة إنو فطور الصباح هو المفتاح لنهار متوازن. وهاو علاش : 1. يعطيك الطاقة باش تبدأ نهارك : بعد ليلة كاملة من النوم، بدنك يكون فاضي من الطاقة. فطور صباح فيه بروتيين، نشويات وألياف، يخليك تفيق وتخدم خير. 2. يحسّن التركيز : فطور باهي = مخ يخدم خير. يقوّي الذاكرة والانتباه، خاصّة للصغار والتلامذة. 3. يقلّل من الشاهية طول النهار : يساعدك باش تنقّص من الماكلة السريعة وتتحكّم في وزنك. 4. يوازن السكر في الدم : فطور منظم يعاون على تثبيت مستوى السكر، خاصة للمصابين بالسكري أو اللي عندهم مشاكل في الطاقة. 5. يحسّن المزاج ويقلّل القلق : المعدة الخاوية = مزاج معكّر فطور متوازن يخلي النفسية أخفّ ويقلّل التوتّر.