الجيلاتين هو مادة تشدّ الخلطة وتخليها تجي ماسكة، نستعملوه برشة في الحلويات الباردة، ويجي يا في ورقات (feuilles de gélatine) يا في شكل بودرة. واليوم باش نقولولك فاش نجمو نستعملوه 1. في الحلويات الباردة والغلة تحب تعمل جيلي بالغلة، أو عصير مجمّد ؟ الجيلاتين يعاونك باش تحافظ على الشكل من غير ما يسيل. 2. باش تشد الكريمة في التزيين في وصفات الكيك والتزيين، الجيلاتين يساعد باش الكريمة ما تسيحش، خاصة في الحرارة. مهم برشة في كريم شانتيي ولا الكريم ماسكاربون. 3. في الحلويات المطاطية (gélifiés) كيما البونبون الشفاف (gummies)، الجيلاتين هو المكوّن الرئيسي اللي يعطي الملمس المطاطي. 4. في التشيز كيك منغير فور باش تعمل تشيز كيك بارد، الجيلاتين يجمّد الكريمية ويخليها تشد روحها من غير تطييب. 5. في بعض الوصفات المالحة ينجّم يستعملوه زادة في تحضير المرقة الشفافة مثلا كيفاش تستعمل الجيلاتين ؟ 🔹 الجيلاتين الورقي: غطس الورقات في ماء بارد 5 دقايق. أعصرهم. ذوّبهم في حاجة سخونة (كريمة، حليب...). 🔹 الجيلاتين البودرة: ذوب مغرفة صغيرة في 3 مغارف ماء بارد. خليهم تنتفخو (5-10 دقايق). ذوّبهم على نار هادية ولا في كريمة سخونة.