باش ينجح التوبينغ متاع الكاب كايك ويشد روحو، لازمك تتبع شوية نصايح صغيرة، باش نقولولك عليهم 1. لازم الكاب كايك يبرد مليح ما تحطّش التوبينغ فوق الكاب كايك وهو سخون، خاتر يذوب الكريمة وتولي تسيل. خليه يبرد قبل ما تزيّن. 2. الكريمة لازم تكون متماسكة سواء كنت تستعمل كريمة الزبدة، شانتيي، ولا كريم تشيز (cream cheese)، لازم تضربها مليح حتى تولي متماسكة وما تهبطش. 3. استعمل Poche à douille الكيس الخاص بالتزيين يعاونك تخرج أشكال متناسقة ومزيانة. اختار رأس Douille حسب الشكل اللي تحب تعملو (وردة، نجمة، حلزوني...). 4. خلي الكريمة شوية في الفريجيدار قبل التزيين، خليها ترتاح شوية في الثلاجة، باش تسهال الخدمة وتجي شادة روحها أكثر على الكاب كايك. 5. لوّن وفوح تحب تميز التوبينغ ؟ استعمل ألوان غذائية طبيعية، وزيد نكهة كيما الفانيليا، القارص، ولا شوية قهوة. 6. زين باللي تحب غلة صغيرة، رشّة كاكاو، شوكولاتة محكوكة، ولا حتى طرف صغير البسكويت. 7. زيّن في آخر لحظة باش يبقى التوبينغ في أحسن حال، زيّن الكاب كايك وقت التقديم ولا قبل بوقت قصير، خاصة إذا الجو سخون.