الشكلاطة حسّاسة برشة للحرارة والرطوبة، وإذا ما تتخزنش بالقدا، تفقد الطعم، الشكل، وحتى القوام. وهذا كيفاش تحفظها بطريقة صحيحة : 1. ما تحطّهاش في الثلاّجة مباشرة البرودة والرطوبة تعمل طبقة بيضاء على وجه الشكلاطة (fat bloom)، ما تضرّش الصحّة، أما تفسد المظهر والبنة. وين نخزّنها ؟ في بلاصة باردة، جافّة، ومظلمة : كيف خزانة ولا قجر بعيد على الحرارة. 2. درجة الحرارة المثالية بين 15 و18 درجة، من غير تغيّر مفاجئ في الحرارة. 3. غلفها بالقدا إذا حليت الباكو، رجّعها في ورق الألمنيوم ولا بلاستيك غذائي، وحطّها في حكة مسكرة مليح. 4. كان لازم تحطها في الثلاجة ؟ لفّها مليح، حطّها في حكة مسكرة مليح، وبعد ما تخرجها، خلّيها شوية قبل ما تحلّها، بش ما تتكمّشش بالرطوبة. نصيحة ذهبية : الشكلاطة الكحلة تعيش أكثر من الشكلاطة بالحليب ولا بالبندق، خاطر نسبة الدهون أقل.