برشة ناس تستعمل الكركم في الكسكسي أو في المرقة، أما برشة ما يعرفوش قدّاش فيه منافع صحيّة كبيرة. شوف معانا شنوّة ينجم يعطي لبدنك : أهم الفوائد : 1- مضاد قوي للإلتهابات فيه مادة اسمها الكركمين، تعاونا على تقليل الالتهابات في الجسم (خاصة للي يعاني من وجايع المفاصل ولا التهاب المفاصل). 2- يعاون على تقوية المناعة يساعد البدن باش يواجه الأمراض عندو خصائص المضادة للبكتيريا والفيروسات. 3- يعاون على تنظيف الكبدة الكركم يساعد الكبدة باش تتخلّص من السموم، وتنظّم إفرازاتها. 4- ينقص من الكوليسترول استهلاك منظم للكركم يعاون على توازن الكوليسترول في الدم ويحمي القلب. 5- يسهّل الهضم ممتاز بعد الماكلة الثقيلة، يعاون الماعدة باش تخدم وتنقص مالنفاخ. 6- يحسّن الذاكرة والمخ الدراسات تقول إنو الكركم ينفع المخ، يطوّل الذاكرة ويقلل من خطر الزهايمر. كيفاش تستفيد منه أكثر ؟ زيد نصف مغرفة صغيرة في الحليب السخون (حليب بالكركم = "Golden milk"). فوح بيه الشربة، المرقة، ولا حتى العضم. تنجم تعملو مع العسل والماء دافئ، كيف دواء طبيعي. ملاحظة : ما تكثرش، مغرفة صغيرة في النهار تكفي.