تشوي الحوت في الدار ؟ المشكلة ديما وقت تقلبو، يتقشر ولا يلصق في الشواية ؟ هاو بش نعطيوك الحلول المجربة : نصائح باش الحوت ما يلصقش : 1- سخّن الشواية بالباهي قبل ما تحطّ الحوت، وقتها القشرة ما تلصقش. 2- ادهن الشواية بشوية زيت استعمل منديل مبلول بشوية زيت وبل بيه الشواية قبل ما تحطّ الحوت. 3- ادهن الحوت من الجهتين شوية زيت زيتونة + تابل (ملح، فلفل أكحل، كمون) يعطي طعم ويمنع الالتصاق. 4- ما تقلبوش بكري خلّيه يشدّ روحو قبل ما تقلبو. وقت يطيب شوية، يسهال التقليب وما يلصقش. 5- تنجم تستعمل شريحة بصل كبيرة تحت الحوت تعطي طعم وتمنع الالتصاق. نصيحة ذهبية : استعمل شواية فيها سطح غير لاصق (anti-adhésif) أو حط الحوت في grille spéciale poisson (شبكة حديد تسكر عليه) باش يسهال التقليب.