في الصيف، المثلجات تفرشك… أما علاش نشريوها جاهزة وفيها فيها ملونات وسكر زايد ؟ هاو طريقة باش تعمل مثلجات طبيعية ! 1- الوصفة الأساسية : مثلجات الغلة شنوّة يلزمك ؟ - 2 كيسان غلة فرشكة (موز، فراز، مشمش، مانڨو، كيوي…) - 1/2 كاس ياغورت طبيعي - شوية عسل ولا سكر (حسب الذوق) - عصرة صغيرة قارص (باش الغلة ما تكحالش) - طريقة التحضير : - قصّ الغلة وخلّطهم مع الياغورت والعسل بالخلاط (mixeur) - كي يولي الخليط كريمي، فرغو في قوالب مثلجات (moules à glace) - دخلهم للـ congelateur على الأقل 4 ساعات - نصيحة : استعمل بانان مجمّد باش يجي القوام كريمي 2- وصفة أخرى : مثلجات بالفواكه المجففة - ياغرت طبيعي - شوية عسل - قطع من التمر، كرموس شايح، زبيب ولا لوز مرحي - رشة قرفة (اختياري) - خلط الكل وعمّر بيه قوالب، وجمّدو. 3- تحب مثلجات شكلاطة ؟ - 2 بانان طايبين - 2 مغارف كاكاو مرّ - مغرفة ياغورت طبيعي - شوية عسل - خلط الكل وعمّر بيه القوالب، ودخلهم للـ congélateur