الشكلاطة البيضاء حسّاسة برشة موش كيف الشكلاطة الكحلة، تتحرق بسهولة إذا ما تعاملتش معاها بالدقة ! باش تجي ذايبة، رطبة، وما تتحثربش، تبع هالطريقة : الطريقة 1 في حمّام مريم (bain-marie) : - كسّر الشكلاطة قطع صغيرة - حطّها في صحفة تقاوم السخانة - ركبها فوق كسرونة فيها شوية ماء (الماء ما يمسش الصحفة) - خليه يسخن على نار هادئة - حرّك بالشويا بمغرفة لوح ولا سباتول النتيجة : شكلاطة ذايبة، ناعمة، ومن غير ما تتحرق الطريقة 2 في الميكرووند : - حط الشكلاطة في صحفة بلّار ولا بلاستيك تقاوم السخانة - سخّنها 20 ثانية، ومن بعد حرّك - كمل 10–15 ثانية كل مرة مع التحريك، حتى تذوب نصيحة من ذهب : زيد نقطة صغيرة زيت نباتي ولا شويا زبدة باش تعطي لمعة وتسهّل الذوبان، خاصّة إذا بش تزين بيها.