الخلّ الأبيض هو صديق الكوجينة، و ينفع في برشة حاجات، من غير مواد كيماوية، و من غير ما يضرّ لا الصحة ولا الجيب ! منافعو كبيرة وهاو علاش نستعملوه ؟ 1- ينظف ويطهّر الخلّ الأبيض يقتل البكتيريا و ينظّف السطوح، كيما الطاولة والثلاجة... - خلط نصف كاس خل + نصف كاس ماء، و حطّهم في بخاخ - رشّ و امسح، يولي كل شي يلمع ! 2- ينحّي الدهون عندك بلاصة فيها دهون ناشفة ؟ - رشّ الخل، خلّيه شوية، و امسح بمنديل ! 3- ينظف ماكينة القهوة - صب فيها شوية خل و ماء، خليه يغلي، و بعد فرّغها و شلل بالماء. ترجع جديدة ! 4- ينحّي الريحة الكريهة الثلاجة فيها ريحة ؟ - حط كاس صغير فيه خلّ، و خليه ليلتين. الريحة تمشي وحدها. 5- يرجع البلار يلمع - اغسل البلار بالخل و امسح بمنديل نظيف. 💡 معلومة خفيفة : ما تستعملش الخلّ الأبيض على الرخام الطبيعي. استعملو على السطوح الأخرى: إنوكس، سيراميك، زجاج، بلاستيك...