باش يبقى حلو العيد محافظ على قوامه ونكهته، لازم تخزنو كل نوع بالطريقة اللي تناسبه. الحلويات المقلية كيما المقروض والصمصة، من الأفضل تحضيرها في آخر لحظة وما تشحرهاش الكل. شحر كان الكمية اللي باش تتقدم، والباقي غطيه بورق أليمنيوم وحطه في علبة مغلقة باش تبقى مقرمشة. الحلويات اللي تحتوي على الكريمة أو الكراميل لازم تتحفظ في الثلاجة لأنها سريعة التلف، أما الحلويات الجافة فمن الأفضل ما تتحطش لا في المطبخ لا في الثلاجة. التخزين يكون في وعاء محكم الغلق ومغلف بورق الطهي، في بلاصة باردة وجافة باش تحافظ على نكهتها. بالنسبة للحلويات اللي فيها معجون كيما السابلي، من الأفضل ما يتحطش فيها ماء الزهر لأنه مع التخزين يتبدل طعمه. والأوعية تلعب دور كبير في الحفاظ على جودة الحلو، لذا يُفضَّل استخدام علب معدنية كيما علب حلوة الشامية أو أوعية نحاسية، لأنها تحمي الحلوة من الرطوبة وتحافظ على نكهتها الأصلية. وهكة حلو العيد يبقى بنين مدة أطول، وبالصحة وأنشالله عيدكم مبروك ! 🎉