مشكلة النمال في الكوجينة ؟ هاو الحل ! وقت تشوف نمال ماشي جاّي في كوجينتك، راهو جاي على ريحة السكر ولا بقايا الماكلة، ولا لقى مدخل ساهل من بلاصة فيها رطوبة أو شق. شنو تعمل؟ 🔸 تبع المسرب وشوف منين يدخل، وبعد سكر عليه. تنجم تستعمل : – الفازلين: النمال ما ينجمش يتعدى عليه. – الطباشير: ارسم خط قدام الباب أو الشباك، النمال يكره الطباشير وما يحبش يقطع عليه. 🔸 طرق طبيعية تنفع في برشا حالات : – الخل الأبيض : رش شوية خل في البلايص اللي يدخل منها النمال، الريحة تهربو. – الصابون والماء : خلطة صابون سائل مع شوية ماء ورشّها على الأركان، تنظف البلاصة وتهربو. – كحول منزلية + ماء : يعمل مفعول قوي ضد الأثر متاعهم. – ماء وملح : مفيد وقت يكون النمال متجمع بكثرة. – قشور الفقوص ولا القارص : تنجم تحطها في الزوايا، تنفّرهم بالريحة الطبيعية. 📌 نصيحة مهمّة : نظّف الكوجينة ديما، خاصة الفتات والسكر، وسكّر حكك الماكلة بالباهي. لأنو أي أثر صغير، يكفي باش يرجع النمال. وبالطبيعة، إذا النمال رجع بزّيد، تنجم تستعمل منتج خاص ضد الحشرات، ولا تتصل بمختصّ. 😉