كفتة الكباب مع صوص بنينة

- في الميكسور نحطو الدجاج ونزيدوه البصل والمعدنوس والثوم.

- نزيدو فلفل مهروش، ثوم، زنجبيل، ملح وفلفل اكحل ونرحيو كل شي مليح.

- نحطو الدجاج في السافود بالطريقة هاذي.

- ندهنو الشواية بالزيت.

- نشويو الكباب متاعنا مالجيهتين حتى لين يطيب.

- في صحفة كبيرة نحطو ياغورط طبيعي، فلفل مهروش.

- نزيدو معاهم ملح وفلفل اكحل شوية عصير قارص وشوية ثوم.

- نزيدو الزيت ونخلطو كل شي مليح.

- ونخلطو. نقدمو الكباب متاعنا مع الصوص البنينة.