شربة بالدجاج والشوريزو

- في كاسارونة سخونة نحطو زيت، ونقليو الشوريزو مالجيهتين، نخرجو الشوريزو وفي نفس المقلاة نحطو الدجاج ونفوحو بملح وفلفل اكحل ونقليوه مليح.

- نخرجو الدجاج ونحطو البصل، سفنارية وبطاطس، ونقليوهم شوية، توا نزيدو الكزبر والثوم ونفوحو بالفلفل الاحمر والملح والفلفل الاكحل.

- نزيدو ورقة رند وعرف اكليل اخضر، نصبو الماء ونخلطو، نغطيو الكاسارونة ونخليوهم ياخذو غلوو، توا نرجعو الدجاج ونصبو كريمة سائلة، ونخليوهم ياخذو غلوة اخرى. وصحة وبالشفاء.