شربة كريمي بالدجاج

- في صحفة نحطو الدجاج متاعنا، ونفوحوه بشوية ملح وفلفل أكحل.

- توا نحطو شوية زيت زيتونة فالقدر ونقليو الدجاج متاعنا.

- توا في قدر آخر، نذوبو شوية زبدة.

- نحطو شوية بصل مهروش ونحركو.

- نزيدو توا: فارينة، كرفس وشوية أعواد إكليل.

- نخلطو المكونات الكل مع بعضها.

- نصبو توا مرق الدجاج.

- نقعدو نحركو حتى لين الخليط يولي كريمي.

- نزيدو نصبو كمية أخرى من مرق الدجاج ونحركو.

- نحطو السفنارية توا.

- ما ننساوش باش نحطو عصرة قارص.

- نحركو المكونات الكل ونخليوهم يغليو.

- توا نزيدو الدجاج متاعنا إلي حضرناه بكري.

- نحطو الكريمة الطازجة متاعنا.

- رشة ملح وفلفل أكحل للتفويح.

- نخلطو المكونات الكل مليح، وهكا تكون شوربتنا حضرت. وصحة وبالشفاء.