ناخذو صحفة نحطو فيها السكر و البيض.

نركضوهم بالخفاقة الكهربائية حتى لين يذوب السكر.

نحطو زبدة ذائبة.

نصبو زيت نباتي.

نزيدو توا: سكر فانيليا، خميرة كيميائية، مسحوق الكاكاو والفارينة.

نخلطوهم مليح بالخفاقة الكهربائية حتى لين نتحصلو على خيلط متجانس.

نقسمو الخليط متاعنا ونحطوه في طبقين متع فور.

ونحطوهم يطيبو مدة 35 دقيقة على حرارة 180 درجة مئوية.

على نار هادية نحطو كريمة طازجة ونخليوها حتى تغلي.

توا مبعد ما طفينا الغاز نحطو الشكلاطة المهروشة متاعنا.

نقعدو نحركو حتى لين تذوب الشكلاطة.

في صحفة أخرى نحطو جبن كريمي.

نزيدوه سكر ناعم، كريمة سائلة وشوية سكر فانيليا .

نخلطو مليح بالخفاقة الكهربائية.

توا مبعد ما نخرجو الكايك متاعنا مالفور ندهنوه بالشكلاطة إلي حضرناها.

نحطو توا مالفوق الطبقة الاخرى متاع الكايك.

ندهنو الكايك متاعنا مالجهات الكل بالخليط إلي حضرناه .

آخر حاجة نزينو الكايك متاعنا وصحة وبالشفاء.