تشيز كايك بالشكلاطة ومعجون الخوخ

- في صحفة كبيرة نهروشو مليح البسكويت متاعنا .

- نزيدو عليه الكاكاو والزبدة الذايبة ونخلطو مليح.

- نحطو الخليط متاعنا في قالب مدور ونرصوه مليح بكاس.

- ديراكت للفور على 180° لمدة 15دق.

- توا في صحفة نذوبو الشكلاطة الكحلة مع الكريمة السائلة السخونة.

- في صحفة أخرى نخلطو الجبن الكريمي مع السكر وسكر الفانيليا والنشا مليح.

- تدريجيا نزيدو الخليط متاعنا العضم ونخلطو مليح.

- نصبو عليهم الشكلاطة الي ذوبناها ونخلطو مليح.

- نصبو كل شي في القالب وديراكت للفور لمدة 40دق على 180°.

- في كاسارونة على النار نخلطو الخوخ مع عصير القارص والسكر ونخليوهم يطبو لمدة 20دق.

- نرحيوه مليح حتى نتحصلو على قوام سلس.

- نزينو التشيز كايك متاعنا بالمعجون وصحة وبالشفاء